ამჟამად ვეხმარებით

ლუკა გამყრელიძე
2 წლის ლუკას დაბადებიდან ჰიდროცეფალია აქვს, რის გამოც 4-ჯერ ჩაუტარდა შუნტირება, სუნთქვის უკმარისობის გამო, ხშირად უწევს მას და მის დედიკოს საავადმყოფოს კედლებში ყოფნა, ახლახანს კი ახალი დიაგნოზი დაისვა - პერიფერიული ბილატერალური ნეირობლასტომა.
ნიკოლოზ ხალვაში
8 წლის ნიკოლოზს იდიოპათიური თრომბოციტოპენიური პურპურის დიაგნოზი დაუსვეს, იაშვილის კლინიკაში დროულად ჩატარებული პრედნიზოლონოთერაპიის შედეგად მომდევნო 2 წლის განმავლობაში რეციდივს ადგილი არ ჰქონია.
ნატალი ბარათაშვილი
პატარა ნატალის ყინულზე ფეხი აუცურდა და ძლიერად დაეცა ჯდომით, ტკივილებს დროთა განმავლობაში უნდა გაევლო, ნატალის კი  დღითი-დღე უძნელდებოდა  ტკივილის ატანა საზარდულის მიდამოში. განსაკუთრებით ძლიერდებოდა ტკივილი დატვირთვის დროს.
ზურა ნაგერვაძე
1 წლის ზურას, გასულ წელს მწვავე მიელოიდური ლეიკემიის დიაგნოზი დაუსვეს, იაშვილის კლინიკაში ჩატარებული ქიმიოთერაპიული კურსის ფონზე მიღწეული იქნა სრული რემისია,
ერთად #ბექასთვის
ბექა 8 წლისაა, აქტიური, მხიარული, გამბედავი და ლაღი ბიჭუნაა, უყვარს კუბიკებით თამაში, ხშირად აშენებს გემებს, ხომალდებს, სიკეთის ქალაქებს... სიკეთის ქალაქს ხანდახან ბოროტი გმირები სტუმრობენ - თამაში საბოლოოდ, რა თქმა უნდა, ბექას და მისი მეგობრების, სუპერგმირების გამარჯვებით მთავრდება...
ერთ დღეს ბექას სიკეთის ქალაქში უცნაური ბოროტი გმირი გამოჩნდა, სახელად - მიელოიდური ლეიკემია,

ჩვენი მისია

როგორ ეხმარება ფონდი ბენეფიციარებს:

1. ონკო–ჰემატოლოგიაში არსებობს დიაგნოზი, რომელიც მხოლოდ ძვლის ტვინის გადანერგვით თუ იკურნებოდა. ეს ოპერაცია საქართველოში არ კეთდება, ხოლო უცხოეთში, ყველაზე შეღავათიანი ფასი 75 000 ევროდან 100 000 ევრომდე მერყეობს. ფონდი ნაწილობრივ აფინანსებს ამ ოპერაციისათვის საჭირო თანხებს, ჯანდაცვის სამინისტროსთან და ფონდ „სოლიდარობასთან“ ერთობლივი თანამშრომლობის შედეგად ამ ორი წლის განმავლობაში ჩვენ შევძელით და იაშვილის კლინიკის დასკვნის საფუძველზე არაერთი პატარა გავუშვით სამკურნალოდ იტალიის ქალაქ ვერონაში და გერმანიის ფრანფურტის კლინიკებში სამკურნალოდ. 

2. ონკო–ჰემატოლოგიაში ძვლის ტვინის გადანერგვა არ არის ერთადერთი პრობლემა, არსებობს კვლევები, რაც შესაბამისი აპარატურისა თუ სხვა მიზეზების გამო, აქ ვერ ხორციელდება. ასეთია მაგალითად სოკოვანი დაავადების, კერძოდ, ფილტვის სოკოს გართუებული ფორმა, რომელიც დროულად თუ არ გამოვლინდა, პატარა პაციენტებისთვის შეიძლება ფატალურად დასრულდეს. ამის ტრაგიკული მაგალითიც არსებობს. 10 წლის ლუკა ლომოურის გარდაცვალება სწორედ პრობლემის დაგვიანებულმა გამოვლენამ გამოიწვია. ანუ, არ ხდება პაციენტების პრევენციული კვლევა შესაბამისი საშუალებების არარსებობის გამო.  პრობლემას წარმოადგენს ასევე დამატებითი კვლევების, მაგალითად მაგნიტო–რეზონანსული კვლევის, ან დაცვითი თერაპიის დროს საჭირო გეგმიური კვლევების დაფინანსება. ჩვენი ინფორმაციით, სახელმწიფო დაზღვევა ამას არ ითვალისწინებს, ოჯახებს კი საჭირო თანხის მოძიება უკიდურესად უჭირთ. ჩვენი ფონდი აფინანსებს ამ კვლევებსაც.

3. საქართველოში პრობლემები გამოიკვეთა ასევე დასხივების ხარისხთან დაკავშირებით. ეს არის სამედიცინო მანიპულაცია, რომელიც საქართველოში კეთდება, თუმცა გამოცდილების არქონისა თუ აპარატურის არცოდნის გამო, ხშირად არ დგება სასურველი შედეგი. შესაბამისად, უცხოეთში დაფინანსების თხოვნით ფონდს ხშირად მიმართავენ როგორც ლეიკემიით, ასევე სოლიდური სიმსივნით დაავადებული  პაციენტები, ვისაც ამგვარი მკურნალობა ესჭიროება. ფონდი აფინანსებს ამ ტიპის მანიპულაციას თურქეთის აჯიბადემის კლინიკაში.

4. ონკო და ჰემატოპაციენტებისათვის ასევე პრობლემას წარმოადგენს გარკვეული სახის მედიკამენტები, რაც არ არის უზრუნველყოფილი კლინიკების მიერ  მკურნალობის პროცესში, ხოლო პაციენტები დამოუკიდებლად  ვერ იძენენ.  ფონდი წარმატებით თანამშრომლობს სააფთიაქო ცენტრ „ფარმადეპოსთან“ და უძენს საჭირო მედიკამენტებს პაციენტებს.  ძვირადღირებულ წამლებს კი, მაგალითად ვორიკონაზოლს, თიოგუანინს, რაც საქართველოში არ არის რეგისტრირებული, "დიმიტრი ცინცაძის სახელობის ფონდი“ თავად  იძენს თურქეთიდან და იტალიიდან საკუთარი სახსერბითა და წყაროებით.

5. კიდევ უფრო მძიმე მდგომარეობაა სოლიდური სიმსივნით დაავადებული ბავშვების შემთხვევაში. არ არსებობს დაავადებისა და გამოჯანმრთელების ელემენტარული სტატისტიკა, რადგან ეს ბავშვები სხვადასხვა კლინიკაში არიან გაფანტულები. ონკოლოგიურ საავადმყოფოში არსებული უმძიმესი პირობები კი მათ მკურნალობას ნაკლებეფექტურს ხდის. ჩვენი გამოცდილებით, ის თანხა, რაც ქიმიოთერაპიისთვის სახელმწიფოს მიერ არის  გამოყოფილი ხშირად არ არის საკმარისი. ფონდს კლინიკა "ლაიფმედში" არსებული დავალიანების დაფარვისა და დამატებითი ქიმიოთერაპიის კურსის დაფინანსების თხოვნით არაერთმა პაციენტმა მიმართა და ფონდმა სრულად აუნაზღაურა დავალიანება.

6. ონკოლოგიურ პაციენტებს ხშირად ესაჭიროებათ კლევა თუ ქირურგიული ოპერაცია, რაც საქართველოში არ კეთდება, უცხოეთში კი, უმეტეს შემთხვევაში, ყველაფერი წარმატებით სრულდება. პაციენტები მოგვმართავენ და ფონდი შეძლებისდაგვარად უნაზღაურებს მათ კვლევის, მგზავრობის, სასტუმროს ხარჯებს.

ჩვენი დახმარება კიდევ უამრავ ბავშვს ჭირდება. ფონდში  თითქმის  ყოველდღე შემოდის ახალი განცხადება. სამწუხაროდ, პატარებს, რომლებსაც ჯანმრთელობის სერიოზული პრობლემები აქვთ, მაგრამ არ არიან ონკოლოგიურის პაციენტები, ვერ ვეხმარებით.  ფონდი სრულად შემოწირულობებით არსებობს და ყველა ზემოთ ჩამოთვლილი დახმარებები მხოლოდ შემოწირული თანხების მობილიზებით და ჟურნალისტთა ენთუზიაზმით განხორციელებული საქვემლოქმედო საღამოებიდან მიღებული მცირე შემოწირულობებით განხორციელდა.

დონაციის შედეგები

10.03.2019
10
28.02.2019
10
27.02.2019
1
23.02.2019
40
21.02.2019
3
15.02.2019
20
14.02.2019
10
04.02.2019
30
10.01.2019
10
29.12.2018
5
ჯამური თანხა : 4624

საკონტაქტო ინფორმაცია

599334813
media4life.ge