მადლობა ფონდის სახელით საბავშვო მაღაზიათა ქსელს "ჭიტა", რომელმაც კიდევ ერთი დღესასწაული გაულამაზა ჩვენს პატარებს.
ჩვენ ბერი ანდრიას ფონდის სულის ჩამდგმელს და მთავარ დიასახლისს, დედა თინათინსაც გავესაუბრეთ. ამ სახლში სრულიად უსასყიდლოდ ცხოვრობენ სიმსივნით დაავადებული პატარები, ძირითადად რაიონებიდან, მათ კვებაზეც დედა თინათინი ზრუნავს, მოკრძალებით შემოგვჩივლა, ბევრი რამ აკლიათ ამ ბავშვებსო, ყოველდღიური მოხმარების ნივთებით დაწყებული მნიშვნელოვანი კვების პროდუქტების ჩათვლით. გვინდა მოგიწოდოთ საზოგადოებას, კომპანიებს, შესაძლებლობის ფარგლებში დაეხმაროთ ბერი ანდრიას ფონდს პროდუქტებით.
გაიზიარეთ ეს დიდი ბედნიერება - ქველმოქმედება. სიკეთე გადამდებია, შემოგვიერთდით! აჩუქეთ ერთი თქვენი საღამო ამ პატარებს.
