ამჟამად ვეხმარებით
ანდრია ხუფენია

"ეს უსაყვარლესი არსება , ანდრია ხუფენიაა. აი ასე ფეხი ფეხზე გადადებული დამხვდა როცა მასთან შევედი. ეგრევე გამიღიმა და დამიწყო ლაპარაკი . იცით როგორი მხიარული და კეთილი ტიპია? აი მართლა წამებში შემაყვარა თავი.

მაჰამად ბინატოვი
3 წლის ასაკში მაჰამადს აპლაზიური ანემიის დიაგნოზი დაუსვეს. გადანერგვის ოპერაცია სტამბულში, მედიპოლის კლინიკაში ჩატარდა. ამ ეტაპზე მისი მდგომარეობა დამაკმაყოფილებელია, სრულად განკურნებისთვის ხანგრძლივი დაცვითი თერაპია გვაქვს წინ.
დიმიტრი ამიჭბა
დიმიტრი ამიჭბა ჩვენი ფონდის პირველი შვილობილია, ფაქტიურად ერთად ავიდგით ფეხი ჩვენ, როგორც ახლადდაფუძნებულმა საქველმოქმედო ორგანიზაციამ და დიმამ, ლეიკემიისგან სრულად განკურნების შემდეგ. სამწუხაროდ, დიმას ავადმყოფობის ისტორია ამით არ დასრულდა.
თაკო კონცელიძე
თაკო კონცელიძე 7 წლისაა, 1 წლის წინ გოგონას იაშვილის კლინიკაში მწვავე პრომიელოციტური ლეიკემიის დიაგნოზი დაუსვეს. მდგომარეობა შეფასდა როგორც მძიმე.
გაბრიელ მაისურაძე
ეს თვალებხასხასა ბიჭი 3 წლის გაბრიელ მაისურაძეა <3
თებერვლის თვეში მას იაშვილის კლინიკაში აპლაზიური ანემიის დიაგნოზი დაუსვეს. ავადმყოფობის მიმდინარეობა შეფასდა როგორც მძიმე და ღეროვანი უჯრედების ტრანსპლანტაციის მიზნით სასწრაფოდ ისრაელში გავამგზავრეთ.
"ბრძოლა, რომელშიც მე გავიმარჯვე იმედით" - ლედი მეგრელიშვილი

იცით რამხელა ძალა აქვს ერთ დღეს, ერთი ტელეფონის ზარზს ან ერთ სიტყვას? გიფიქრით, რომ ერთ „მშვენიერ“ დღეს თქვენი ცხოვრება შეიცვლება? შენს ცხოვრებაში შემოიჭერება „სიახლე“, რომელიც  სწრაფად იქცევა ჩვევად. პანიკა მოგიცავს, შენს მთელ არსებას დაეუფლება, მარტო დარჩენილს შიში შეგიპყრობს.

შეგეშინდება ყველაფრის: სიცოცხლის, სიკვდილის, სიყვარულისა და უსიყვარულობის. ამოგაცოცდება, დაგიპყრობს, აირჩევს საუკეთესო ადგილს შენში და დაბინავდება. სხვებს შეეცოდები, იტირებენ, პანიკაში ჩავარდებიან, გაგამხნევებენ, იმედის მომცემ სიტყვებს გეტყვიან, ბოლოს დაიღლებიან და წავლენ. შენთან მხოლოდ ის ადამიანები დარჩებიან ვისაც შენი მომავალი და შენ აღელვებ.

 

მოიკრებ ძალებს, შემოიკრიბავ მშობლებს, ნათესავებს, მეგობრებს და დაიწყებ ბრძოლას. ეს ბრძოლა არ იქნება ხმლით, შუბით, ფარით ან ცეცხლსასროლი იარაღით, არამედ შენი გონებით, იმედით, გამბედაობითა და სიმტკიცით. ძნელი იქნება, ძალიან ძნელი. მოგიწევს ყოველ დილით უყურო დედას, რომელსაც თვალზე ცრემლი უგორდება. მამას, რომელსაც დიდი ბურთი ეჩხირება ყელში. მოგიტანენ წამალს. უყურებ თითოეულ ჩამოვარდნილ წვეთს, რომელიც გადის მილში და შენს სხეულს უერთდება. თითქოს ვერაფერს გრძნობ, მაგრამ ნელ-ნელა მიხვდები, რომ შიგნიდან გჭამს, გსპობს და გასუსტებს. ცდილობ არ შეიმჩნიო, ტკივილს გაექცე, მაგრამ ის მაინც აჩრდილივით დაგსდევს. თავს გახსენებს, რომ ის არსებობს. ქუჩაში  თვალს გაყოლებენ. პატარა ბავშვები დაგაცქერდებიან, მშობლებს ჩურჩლით კითხავენ-დეეე ნეტავ რა სჭირს?...

ბრუნდები შინ და დაფიქრდები, რამდენი ადამიანი დაგიდგა გვერდში, რამდენმა ჯიბე დაიცარიელა შენს გადასარჩენად, რამდენმა გაიმეტა  ლარი, რომ შენთვის ასე საჭირო, სასიცოცხლოდ ყველაზე მნიშვნელოვანი - თანხა შეეგროვებინათ. შენ დავარდები, მაგრამ ისევ წამოდგები. ეს არის ის, რასაც „კანიდან გამოძრომა“ ჰქვია. ეს სევდა და გულგატეხილობაა. ყველაფერი მაშინ რთულდება, როცა ახალ გამოღვიძებულს კითხვა გიჩნდება-დღეს თუ გავუძლებ? გადავიტან? შევძლებ? გადავრჩები?... მერე კი შენს თავს დაარწმუნებ, რომ ყველაფერი მოგვარდება და ყველაფერი კარგად იქნება.

ეს ჩემი ცხოვრებაა. რთული ცხოვრება, რომელიც თან  თვალისმომჭრელი თამაშია, პარაშუტით გადმოხტომაა, რისკია. ეს ყველაფერი მე გავიარე,  გავუძელი და გავიმარჯვე. მე დავიჯერე ბედნიერი დასასრულის. მიუხედავად ძნელი დღეებისა, არ დამიკარგავს ღიმილი, რომელიც ძალით, მაგრამ მაინც დასთამაშებდა ჩემს სახეს, რადგან მე პოზიტივის დედოფალი ვარ! სხვანაირად არ შეიძლება. მე ხომ ამერიკულ მთებზე ვზივარ და მხოლოდ წინ მივისწრაფი.

ლედი მეგრელიშვილი

დონაციის შედეგები
17.01.2018
10
22.12.2017
25
19.12.2017
10
13.12.2017
10
03.12.2017
5
02.12.2017
3
01.12.2017
5
24.11.2017
50
24.10.2017
50
20.10.2017
5
ჯამური თანხა : 2024
საკონტაქტო ინფორმაცია
599334813
media4life.ge