ამჟამად ვეხმარებით

დემეტრე ჭელიძე

"4 წლის დემეტრეს მოულოდნელად  ცხელება დაეწყო. სიცხეები მერყეობდა 38.5-39 გრადუსამდე და ის იმყოფებოდა სიცხის დამწევის (ნუროფენი) ზემოქმედების ქვეშ, რასაც ექვემდებარებოდა და სიცხეებს შორის თავს გრძნობდა კარგად.

ლუკა გამყრელიძე
2 წლის ლუკას დაბადებიდან ჰიდროცეფალია აქვს, რის გამოც 4-ჯერ ჩაუტარდა შუნტირება, სუნთქვის უკმარისობის გამო, ხშირად უწევს მას და მის დედიკოს საავადმყოფოს კედლებში ყოფნა, ახლახანს კი ახალი დიაგნოზი დაისვა - პერიფერიული ბილატერალური ნეირობლასტომა.
ნიკოლოზ ხალვაში
8 წლის ნიკოლოზს იდიოპათიური თრომბოციტოპენიური პურპურის დიაგნოზი დაუსვეს, იაშვილის კლინიკაში დროულად ჩატარებული პრედნიზოლონოთერაპიის შედეგად მომდევნო 2 წლის განმავლობაში რეციდივს ადგილი არ ჰქონია.
ნატალი ბარათაშვილი
პატარა ნატალის ყინულზე ფეხი აუცურდა და ძლიერად დაეცა ჯდომით, ტკივილებს დროთა განმავლობაში უნდა გაევლო, ნატალის კი  დღითი-დღე უძნელდებოდა  ტკივილის ატანა საზარდულის მიდამოში. განსაკუთრებით ძლიერდებოდა ტკივილი დატვირთვის დროს.
ზურა ნაგერვაძე
1 წლის ზურას, გასულ წელს მწვავე მიელოიდური ლეიკემიის დიაგნოზი დაუსვეს, იაშვილის კლინიკაში ჩატარებული ქიმიოთერაპიული კურსის ფონზე მიღწეული იქნა სრული რემისია,

მე სულ სხვა თვალით ვუყურებ სამყაროს - ჯული ბრეგვაძე

"2014 წლის თებერვალში დამიდგინეს დიაგნოზი აპლაზიური ანემია, ეს ჩემთვის და ჩემი ოჯახისთის დიდი ტრაგედია იყო. იაშვილის კლინიკაში რომ დამაწვინეს, ვხედავდი, როგორ იბრძოდნენ ბავშვები, დედები, მამები, როგორ სტკიოდათ, ითმენდნენ, ტიროდნენ, ამ ყველაფერმა ძალიან ცუდად იმოქმედა ჩემზე, დიდხანს ვერ ვხვდებოდი რა ხდებოდა ჩემს თავს.

მალე მითხრეს რომ ძვლის ტვინის ტრანსპლანტაცია მესაჭიროებოდა, რაც საქართველოში არ კეთდებოდა და საზღვარგარეთ უნდა გავმგზავრებულიყავით, ეს კი დიდი თანხებთან იყო დაკავშირებული, ჩემს ოჯახს არანაირი საშუალება არ ჰქონდა, ვნერვიულობდით, გამოსავალს ვერ ვხედავდით და მამამ ვეღარ გაუძლო, ის გარდაიცვალა, ტრაგედიას ტრაგედია დაემატა, სწორედ ამ მდგომარეობით მივმართეთ დიმიტრი ცინცაძის სახელობის ფონდს, რომელსაც ბევრი კეთილი ადამიანი ჰყავდა გაერთიანებული, მაშინ 16  წლის ვიყავი. ჩემი ისტორია გადაცემა “პროფილის” ეთერში მოვყევი. იმ ხუთშაბათს ჩემი სიცოცხლის გადასარჩენად თანხა შეგროვდა და  იტალიაში გამგზავრება შევძელი. ჟურნალისტები მათ ხელთ არსებულ ყველა ბერკეტს იყენებენ ბავშვებისთვის თანხის შესაგროვებლად. წამყვანები ხან საქველმოქმედო გადაცემებს ამზადებდნენ, ხან ეთერს ონკოლოგიის სფეროში არსებულ პრობლემებზე მწვავე დისკუსიას უთმობდნენ. მე და ფონდის სხვა შვილობილები რომ ახლა თქვენ წინაშე ჯანმრთელები ვდგავართ, სწორედ ამ წამყვანების და მათი გადაცემების დამსახურებაა. ახლა ძალიან ბედნიერი ვარ, იმით, რომ გამოვჯანმრთელდი და სულ სხვა თვალით ვუყურებ სამყაროს".

ჯული ბრეგვაძე, 20  წლის
"სიცოცხლისთვის ბრძოლის 5 წელი", 15/06/18 სასტუმრო ბილტმორი, თბილისი

 

დონაციის შედეგები

29.08.2019
5
26.08.2019
5
14.08.2019
21
10.08.2019
70
02.08.2019
10
29.07.2019
10
28.07.2019
100
19.07.2019
38
18.07.2019
11
04.07.2019
50
ჯამური თანხა : 5085

საკონტაქტო ინფორმაცია

599334813
media4life.ge