ამჟამად ვეხმარებით

დემეტრე ჭელიძე

"4 წლის დემეტრეს მოულოდნელად  ცხელება დაეწყო. სიცხეები მერყეობდა 38.5-39 გრადუსამდე და ის იმყოფებოდა სიცხის დამწევის (ნუროფენი) ზემოქმედების ქვეშ, რასაც ექვემდებარებოდა და სიცხეებს შორის თავს გრძნობდა კარგად.

ლუკა გამყრელიძე
2 წლის ლუკას დაბადებიდან ჰიდროცეფალია აქვს, რის გამოც 4-ჯერ ჩაუტარდა შუნტირება, სუნთქვის უკმარისობის გამო, ხშირად უწევს მას და მის დედიკოს საავადმყოფოს კედლებში ყოფნა, ახლახანს კი ახალი დიაგნოზი დაისვა - პერიფერიული ბილატერალური ნეირობლასტომა.
ნიკოლოზ ხალვაში
8 წლის ნიკოლოზს იდიოპათიური თრომბოციტოპენიური პურპურის დიაგნოზი დაუსვეს, იაშვილის კლინიკაში დროულად ჩატარებული პრედნიზოლონოთერაპიის შედეგად მომდევნო 2 წლის განმავლობაში რეციდივს ადგილი არ ჰქონია.
ნატალი ბარათაშვილი
პატარა ნატალის ყინულზე ფეხი აუცურდა და ძლიერად დაეცა ჯდომით, ტკივილებს დროთა განმავლობაში უნდა გაევლო, ნატალის კი  დღითი-დღე უძნელდებოდა  ტკივილის ატანა საზარდულის მიდამოში. განსაკუთრებით ძლიერდებოდა ტკივილი დატვირთვის დროს.
ზურა ნაგერვაძე
1 წლის ზურას, გასულ წელს მწვავე მიელოიდური ლეიკემიის დიაგნოზი დაუსვეს, იაშვილის კლინიკაში ჩატარებული ქიმიოთერაპიული კურსის ფონზე მიღწეული იქნა სრული რემისია,

პატარა ანგელოზის კეთილშობილების რკალში - თათია ხორნაული

"3 წელი გავიდა, მაგრამ მე კვლავ ცხადად მახსოვს სოფო, მისი მომღიმარი სახე და ოცნება საკუთარი კლინიკის სოფმედის გახსნაზე.


 

საოცარი იყო ჩვენი პირველი შეხვედრა. საოცარი იმიტომ, რომ ერთი ნახვით ასე ძლიერ სხვა არავინ შემყვარებია. გასაკვირი არცაა, რომ სოფო ჩემი პატარა დაქალი გახდა. მე 13 წლის ვიყავი, სოფო თითქმის 4-ის.
მხოლოდ ახლაღა ვიაზრებ,რომ ის ჩემთვის უბრალოდ ძვირფასი არ ყოფილა...არა! სოფომ მე გადამარჩინა. მისმა სიმშვიდემ და ძალამ ,რომლითაც გადარჩენისთვის იბრძოდა, სრულად მომიცვა მე. ასე აღმოვჩნდი ლამაზი, ჭკვიანი, პატარა ანგელოზის კეთილშობილების რკალში...

და დღეს სოფო აღარ მყავს გვერდით, ვეღარ ვხედავ მის კისკისს და ვეღარც მის ოცნებებს ვუსმენ. დღემდე არ მივსულვარ მის საფლავთან, რადგან ჩემი სოფო ჩემთვის კვლავ ცოცხალია და ასე იქნება მანამ, სანამ იარსებებს თუნდაც ერთი ადამიანი, რომელიც იბრძოლებს პატარა ბავშვების სიცოცხლის გადასარჩენად.

4 წლის წინ, როცა ჩემ უიშვიათეს დიაგნოზს საქართველოში ექიმები ვერ უმკლავდებოდნენ, დიმიტრი ცინცაძის სახელობის ფონდმა თურქეთში მკურნალობა სრულად დამიფინანსა. მაშინ ფონდი თითოეული თეთრის მოსაპოვებლად უდიდეს ძალისხმევას ხარჯავდა. ჩემს გარდა დახმარება ბევრს სჭირდებოდა და მეც აქტიურად ჩავერთე ჟურნალისტების მიერ გამართულ აქციებში და დამოუკიდებლადაც დავიწყე ზრუნვა სხვა ბავშვებისთვის თანხის შეგროვებაზე. მათ შორის იყო პატარა სოფო. ფონდმა მაშინ ყველაფერი გააკეთა მის გადასარჩენად. ჟურნალისტები მირზას, გიორგის, მიშოს, ლიზის, ლუკას, ანასტასიას, ოთიკოს და კიდევ 60 შვილობილის სიცოცხლისთვის იბრძოდა, მაგრამ უცხოეთში მკურნალობისა და საჭირო სახსრების მობილიზების მიუხედავად, მძიმე სენთან გამკლავება ამ ბავშვებმა ვერ შეძლეს.

თათია ხორნაული, 17 წლის
"სიცოცხლისთვის ბრძოლის 5 წელი", 15/06/18/ სასტუმრო ბილტმორი, თბილისი

დონაციის შედეგები

29.08.2019
5
26.08.2019
5
14.08.2019
21
10.08.2019
70
02.08.2019
10
29.07.2019
10
28.07.2019
100
19.07.2019
38
18.07.2019
11
04.07.2019
50
ჯამური თანხა : 5085

საკონტაქტო ინფორმაცია

599334813
media4life.ge