ამჟამად ვეხმარებით

დემეტრე ჭელიძე

"4 წლის დემეტრეს მოულოდნელად  ცხელება დაეწყო. სიცხეები მერყეობდა 38.5-39 გრადუსამდე და ის იმყოფებოდა სიცხის დამწევის (ნუროფენი) ზემოქმედების ქვეშ, რასაც ექვემდებარებოდა და სიცხეებს შორის თავს გრძნობდა კარგად.

ლუკა გამყრელიძე
2 წლის ლუკას დაბადებიდან ჰიდროცეფალია აქვს, რის გამოც 4-ჯერ ჩაუტარდა შუნტირება, სუნთქვის უკმარისობის გამო, ხშირად უწევს მას და მის დედიკოს საავადმყოფოს კედლებში ყოფნა, ახლახანს კი ახალი დიაგნოზი დაისვა - პერიფერიული ბილატერალური ნეირობლასტომა.
ნიკოლოზ ხალვაში
8 წლის ნიკოლოზს იდიოპათიური თრომბოციტოპენიური პურპურის დიაგნოზი დაუსვეს, იაშვილის კლინიკაში დროულად ჩატარებული პრედნიზოლონოთერაპიის შედეგად მომდევნო 2 წლის განმავლობაში რეციდივს ადგილი არ ჰქონია.
ნატალი ბარათაშვილი
პატარა ნატალის ყინულზე ფეხი აუცურდა და ძლიერად დაეცა ჯდომით, ტკივილებს დროთა განმავლობაში უნდა გაევლო, ნატალის კი  დღითი-დღე უძნელდებოდა  ტკივილის ატანა საზარდულის მიდამოში. განსაკუთრებით ძლიერდებოდა ტკივილი დატვირთვის დროს.
ზურა ნაგერვაძე
1 წლის ზურას, გასულ წელს მწვავე მიელოიდური ლეიკემიის დიაგნოზი დაუსვეს, იაშვილის კლინიკაში ჩატარებული ქიმიოთერაპიული კურსის ფონზე მიღწეული იქნა სრული რემისია,

საქველმოქმედო ვახშამი ფონდის მხარდასაჭერად

საქართველო-ისრაელის ბიზნეს პალატისა და ისრაელის სახლის ორგანიზებით, 5 დეკემბერს,  ხანუქას, თბილისში, სასტუმრო „ქორთიარდ მარიოტში“ საქველმოქმედო ვახშამი გაიმართა ლეიკემიით დაავადებული ქართველი ბავშვების დასახმარებლად. ღონისძიება ისრაელის ქნესეთის (პარლამენტი), საქართველო-ისრაელის ბიზნეს პალატის, ისრაელის სახლისა და თბილისის მერიის მხარდაჭერითა და ორგანიზებით გაიმართა. შემოსული თანხა კი დიმიტრი ცინცაძის სახელობის ფონდს ჩაერიცხება.


საქველმოქმედო ღონისძიებას ესწრებოდნენ ისრაელისა და ქართული ბიზნესის, აგრეთვე, შემოქმედებითი სფეროს წარმომადგენლები. სპეციალურად ამ დღისთვის, ისრაელიდან ქნესეთის ვიცე-სპიკერის, ხილიკ ბარის ხელმძღვანელობით, თბილისს ეწვია 20-კაციანი დელეგაცია, რომელშიც შედიან ისრაელის პრეზიდენტის პოლიტიკური მრჩეველი ზეევ დოლინსკი,  ქნესეთის წევრები და ისრაელელი ბიზნესმენები. 
საქველმოქმედო ვახშამს სულ 220 სტუმარი დაესწრო. ქნესეთის ვიცე-სპიკერი ხილიკ ბარი პირველი იყო, რომელმაც საქველმოქმედო ვახშამზე დასასწრები ბილეთი ოქტომბრის დასაწყისში ისრაელის ქნესეთის დელეგაციის თბილისში ოფიციალური ვიზიტისას, ებრაულ მუზეუმში გამართულ შეხვედრაზე, თბილისის მერთან ერთად შეიძინა. მთლიანობაში კი საქართველო-ისრაელის ბიზნეს პალატამ დიმიტრი ცინცაძის სახელობის ფონდის ანგარიშზე ღონისძიებიდან შემოსული თანხა - 67 ათასი ლარი ჩარიცხა.
„საქართველო-ისრაელის ბიზნეს პალატისა და ისრაელის სახლის მთავარი მიმართულებაა, ებრაელ და ქართველ ხალხებს შორის მეგობრული ურთიერთობა გადაიზარდოს სახელმწიფოებრივი დონის კავშირებში, რაც იქნება ურთიერთსასარგებლო ნაბიჯი ყველა მიმართულებით. საქართველო-ისრაელის ბიზნეს პალატისა და ისრაელის სახლის მიერ ბოლო წლებში განხორციელებული პროექტები თუ ღონისძიებები სწორედ ამას ისახავს მიზნად“ - აცხადებს საქართველო-ისრაელის ბიზნეს პალატის პრეზიდენტი და ისრაელის სახლის დამფუძნებელი, ღონისძიების სულის ჩამდგმელი ბატონი იციკ მოშე.
ვახშამი ქართულ, ებრაულ და ინგლისურ ენებზე მუსიკალური ნომრების თანხლებით წარიმართა. ღონისძიების მონაწილეებს სიტყვით მიმართეს ბატონმა იციკ მოშემ, ისრაელის ქნესეთის ვიცე-სპიკერმა ხილიკ ბარმა და თბილისის მერმა დავით ნარმანიამ.
ფონდის მხრიდან კი ორგანიზატორებს და სტუმრებს მადლობა გადაუხადეს ფონდის დამფუძნებელმა კახა ჯანაშვილმა, დიტო ცინცაძემ და მაია ასათიანმა. ბატონ იციკ მოშეს კი ფონდისგან თანადგომისა და მხარდაჭერისათვის მადლიერების სიგელი გადაეცა.

დონაციის შედეგები

11.05.2020
5
06.03.2020
20
02.03.2020
100
29.02.2020
50
28.02.2020
10
24.02.2020
5
18.02.2020
5
17.02.2020
10
14.02.2020
100
07.02.2020
170
ჯამური თანხა : 5706

საკონტაქტო ინფორმაცია

599334813
media4life.ge